30/8/11

Bueu : Louzán e Juncal sacan adiante
a reurbanización de Ramón Bares

 Redacción de MORRAZO TRIBUNA - [O Morrazo]
O presidente da Deputación, Rafael Louzán, asinou hoxe un convenio de colaboración co alcalde de Bueu, Félix Juncal, que terá por obxecto a reurbanización da rúa Ramón Bares. A Deputación financiará integramente esta actuación cun investimento de 325.579 euros.
Segundo informou o presidente, as obras sairán a licitación para que poidan dar inicio en outubro e rematadas de cara a vindeira primaveira.
Este proxecto de reurbanización terá por obxecto principal a potenciación da área comercial existente na zona, concedéndolle prioridade ós peóns co obxecto de acadar unha área para o uso e desfrute dos visitantes. Utilizaranse materiais nobres.
Para isto acometerase o levantamento e renovación do firme existente na calzada e a remodelación de beirarrúas, hoxe con moitos desperfectos. Tamén se instalará un novo alumeado público e deseño de xardinería e completarase a rede de recollida de pluviais.
Ademais o alcalde salientou que esta mellora permitirá corrixir o problema de seguridade vial que existe actualmente nesta zona, dado que no seu entorno se concentran numerosos inmobles públicos e moi frecuentados por todos os veciños e especialmente polos rapaces como o colexio, a igrexa, etc. Así mesmo, Félix Juncal agradeceu especialmente a “sensibilidade” do presidente da Deputación con esta obra que “dende o primeiro momento manifestou a súa total disposición para darlle solución a que é unha das actuacións prioritarias para o municipio”.
Pola súa banda, Louzán destacou que se trata dun investimento “moi importante e necesaria”. Recordou que esta estrada de 900 metros de lonxitude era de titularidade provincial pero que o Concello solicitou a súa trasferencia ó Concello por ter adquirido características urbanas, coa existencia de beirarrúas, edificacións consolidadas a ambas marxes do viario e servizos urbanos. Neste senso, o presidente da Deputación manifestou o interese da propia Deputación de “deixar esta vía en perfectas condicións urbanas e de seguridade antes de entregarlla ó Concello.

27/8/11

Alberto Núñez Feijóo anunciou que “Galicia será a primeira comunidade de España en fixar un teito de gasto”

 Redacción de MORRAZO TRIBUNA - [Pontevedra] [Vigo] [O Morrazo]
O presidente do PPdeG, Alberto Núñez Feijóo, anunciou que “Galicia será a primeira comunidade de España en fixar un teito de gasto”, xa que, nas súas propias verbas, “para ser responsables economicamente non precisamos que saia especificamente na Constitución ou esperar a 2018 ou 2020. Sómolo. E non deixaremos para mañá a tarefa de construír un futuro responsable, xa que hai tempo que comezamos a construílo”.
Neste senso indicou que “todos coincidimos agora en que o futuro debe estar marcado pola austeridade, pola educación aberta aos idiomas, pola aposta polos xenéricos, por eliminar duplicidades e cooperar entre administracións, por un sistema financieiro saneado, polo control do déficit público, pola estabilidade orzamentaria e por establecer teitos de gasto” aínda que estes son aspectos que “hai tempo introduxemos en Galicia”.
Así, aseverou que “Galicia vai seguir camiñando e anticipándose ao futuro; o que esta mesma semana se falaba para España en 2018 ou 2020 ímolo facer na nosa comunidade antes do quince de setembro”.

"Goberno, que non foi capaz cumplir o Pacto do Obradoiro e agora dedícase a poñer os deberes aos seguintes responsables ministeriais"

 Redacción de MORRAZO TRIBUNA - [Pontevedra] [Vigo] [O Morrazo]
O conselleiro de Medio Ambiente, Territorio e Infraestruturas, Agustín Hernández, lamentou esta mañá a actitude do Goberno, que non foi capaz cumplir o Pacto do Obradoiro e agora dedícase a poñer os deberes aos seguintes responsables ministeriais. Sinalou que non deixa de ser sorprendente que un Goberno que non foi capaz de cumprir os compromisos asinados e recollidos no Pacto do Obradoiro, fixe ao Goberno que saia elixido das urnas o vindeiro 20 de novembro a folla de ruta.
Destacou que as afirmacións do ministro de Fomento tamén son unha clara falta de respecto aos cidadáns, porque o actual Goberno xa non está lexitimado para marcar datas, tendo enriba da mesa unha convocatoria electoral.
Ao mesmo tempo, dende a Xunta laméntase a falta de respecto institucional por parte de Fomento, xa que ningún dos membros da Xunta foi invitado a participar no acto de inauguración da estación de Guixar.
A estación de Guixar e a nova estación de Vigo están incluídos no Pacto o Obradoiro, existe un acordo asinado polas tres administracións (central, autonómica e local) e tamén forma parte das actuacións comprometidas polo ministro Blanco a executar de xeito coordinado coa Xunta de Galicia, por ser unhas obras que afectan ao tramado urbano e que se integran dentro dos proxectos de intermodalidade.
Nese senso, o ministro Blanco comprometeuse nas diferentes xuntanzas mantidas coa Xunta de Galicia a realizar reunións de seguimento para coordinar as actuacións previstas nas novas estacións intermodais de Galicia, tal e como se fixo no caso de Lugo e Santiago. Sen embargo, no caso de Vigo, a Xunta carece de información sobre os avances e as previsións ao respecto do desenvolvemento da futura estación intermodal.
A actuación de Guixar é parte da integración da Alta Velocidade na Cidade de Vigo, que acollerá o transito de viaxeiros mentres se constrúe a nova estación de Urzaiz, adaptándoas as necesidades e demandas da intermodalidade, o concepto fundamental do transporte público para a Administración galega.

25/8/11

BNG CUALIFICA DE “DISPARATE” A REFORMA EXPRÉS DA CONSTITUCIÓN E DI QUE DENOTA A “CARENCIA DE SOBERANÍA DO ESTADO ESPAÑOL”

 Redacción de MORRAZO TRIBUNA - [Pontevedra] [Vigo] [O Morrazo]
O portavoz nacional do BNG, Guillerme Vázquez, cualificou esta mañá en rolda de prensa de “disparate” a reforma exprés da Constitución pactada entre PP e PSOE para marcar un teito de gasto ao Estado.
En resposta ás perguntas dos xornalistas, o líder nacionalista afirmou que esta decisión demostra “que as supostas diferencias na política económica de PP e PSOE non son tales” e afirmou que esta iniciativa denota unha “carencia de soberanía do Estado español” xa que se trata dunha “decisión que ordena o Banco Central Europeo, a señora Merkel e o señor Sarkozy”.
“Falamos dun disparate desde calquer punto de vista, xa que se trata de elevar a rango constitucional unha política conxuntural”, na súa opinión, “vai resultar ineficaz porque o que fai é garantir aos especuladores que se lles vai pagar a súa débeda”.
O portavoz nacional advirte, asemade, de que o obxectivo de défice cero “vai poñer en risco o estado de benestar” e, por outra parte, volve deixar claro “que aquel famoso estado das autonomias é papel mollado, xa que estamos ante unha decisión legal que fai fosfatina calquera posibilidade de autonomía real”.
Guillerme Vázquez indicou que un referendo podería estar ben neste tema mais afirmou que “non o van facer porque este tipo de decisións prefiren tomalas de tapadillo”.
O líder do BNG asegurou que estamos ante “un novo parche que non ataca o problema de fondo” e indicou que se debe abordar unha reforma fiscal “para que paguen máis os que teñen máis”

24/8/11

El Bloque alza su voz ante lo que no deja de ser una subida encubierta de impuestos

 Redacción de MORRAZO TRIBUNA - [Pontevedra] [Vigo] [O Morrazo]
O portavoz nacional do BNG, Guillerme Vázquez, e o portavoz de Economía, Fernando Blanco, explicaron esta mañá en rolda de prensa as iniciativas que está a levar adiante o BNG para pedir a retirada da orde que aprobou a Xunta este mes de agosto e que eleva o valor de bens inmobles nun 30%.
O portavoz nacional, Guillerme Vázquez, botou en cara ao líder do PP, Alberto Núñez Feijóo, que incumpre unha vez máis os “14 mandamentos cos que se presentou ás eleccións e nos que se comprometía a non subir impostos. Volve incumprir as súas promesas electorais”.
Isto é así porque, tal e como explicou o deputado nacionalista Fernando Blanco, esta suba afectará directamente ao imposto de bens patrimoniais que gravan a transferencia de inmobles e nos que se poden chegar a producir subas de até o 65%.

O portavoz nacional cualificou esta decisión de “inxusta e totalmente fóra de lugar en plena crise” e indicou que “afecta indiscriminadamente á poboación galega. Unha vez máis, incrementan os impostos ás rendas medias e baixas”.
En vista desta situación, o BNG, segundo explicou o seu portavoz nacional, “dará o debate público” e subliñou que os nacionalistas galegos reclamarán a retirada desta orde e levarán tamén o debate aos concellos a través dunha moción.
O portavoz de Economía, Fernando Blanco, subliñou, pola súa banda que esta medida “non é razoábel, tendo en conta que no primeiro trimestre deste ano o prezo da vivenda baixou un 3% e levamos tres anos nos que o prezo da vivenda está a baixar”.
Visto este feito, o deputado nacionalista subliñou que isto demostra que esta medida “só ten un obxectivo: o de recadar a calquer prezo e de calquer xeito. O PP chegou ao poder anunciando unha rebaixa do IRPF para máis de 500.000 galegos e galegas e a súa política fiscal estase traducindo en tratar aos desiguais igual, cargando sobre os cidadáns á marxe da súa capacidade económica”.

10/8/11

Celta : a la altura del betún...

En la Radio Popular de antes, ahora llamada Cope, el relator de deportes, Antonio Estévez, contaba que el Celta sacó un antíguo trofeo de sus vitrinas, le dio brillo, le cambió la chapa y... cuando el match del trofeo Ciudad de Vigo terminó, el Sporting de Gijón se llevó esa copa.
El relator no dijo nada de si ahora, cuando el Concello de Vigo ponga los casi 16.000 euros -valor del trofeo- que aún no ha puesto, los cuartos van directos a la caja del Celta, o se transforman en plata para reponer el trofeo inoportunamente sacado de las vitrinas del club.
Sea lo que fuere, lo ya hecho es una vergüenza. Para Vigo, para su Concello, para el Celta, indudablemente. La ciudad y el club quedan a la altura del betún.
En otra Radio, la Gallega, Miguel Torrecilla, ese fenómeno de los despachos y aún director deportivo del conjunto vigués, admitió que el club está dispuesto a dejar marchar a Trashorras sin ningún ingreso a cambio. El caso es no tener que pagar la elevada -al parecer- ficha de este equipier.
Punto 1 : si cobra mucho Trashorras, el culpable ya se sabe quien es : el inteligente que lo contrató así; no el jugador.
Punto 2 : el Celta ya no pudo llegar a menos. Está dispuesto  a dejar marchar a uno de sus mejores jugadores sin ingresar a cambio ni un duro...
Solo cabe preguntarse : ¿pero qué broma es esta, Gran Mouriño?. ¿Cómo se puede gestionar así un club?.
Realmente : ¿hacia donde camina el Celta?. ¿Cuando va a terminar esta pesadilla?.
Manuel Barriocanal

2/8/11

Diario Oficial da finalmente a luz
el Plan Xeral de Moaña

 Redacción de MORRAZO TRIBUNA - [Pontevedra] [Vigo] [O Morrazo]
O Diario Oficial de Galicia publica  a aprobación definitiva da Consellería de Medio Ambiente, Territorio e Infraestruturas ao PXOM do Concello de Moaña (Pontevedra).
O PXOM entrará en vigor 20 días despois de que Boletín Oficial da Provincia (BOP) e o Diario Oficial de Galicia (DOG) publiquen a Normativa e Ordenanzas do PXOM.
A aprobación aplícase ao 97% do ámbito do plan xeral de ordenación municipal, polo que déixase en suspenso un 3% do mesmo, quedando pendentes de aprobación 8 dos 15 solos urbanizables propostos polo Concello de Moaña ao non estar convenientemente xustificados ou parcialmente suxeitos á diversas afeccións sectoriais coma a de augas e infraestruturas.
Así pois, o Concello deberá facer unha serie de correccións para emendar as deficiencias dos ámbitos que quedan sen aprobar, e redactar un novo documento refundido para, logo dos trámites oportunos, someterse novamente a aprobación definitiva.
A aprobación de plans xerais municipais aporta aos concellos: o respecto ao medio físico, con especial atención á súa importancia paisaxística; e a planificación ordenada do desenvolvemento urbano, evitando o deterioro territorial histórico provocado pola dispersión.
Polo que os PXOMs non deben ser vistos unicamente como o documento reitor da construción, senón como un documento que define o tipo de concellos, neste caso Moaña, que os cidadáns queren para o futuro.
Coa aprobación do plan se está definindo a evolución positiva que marcará un antes e un despois no seu desenvolvemento, fixando e aumentando a poboación, así como ordenando e dotando de servizos, tanto o núcleo urbano como as parroquias do rural.
Os plans xerais establecen unha política de conservación e potenciación dos valores de especial interese, e propoñen os mecanismos necesarios para dotar de servizos urbanísticos e infraestruturas á poboación existente e futura, xerarquizando a rede viaria para mellorar a accesibilidade. En definitiva, trátase de definir un sistema de equipamentos equilibrado e estratexicamente situado ao servizo da poboación.

Tramitación
O Concello de Moaña remitiu o PXOM o pasado 13 de abril á Secretaría Xeral de Ordenación do Territorio e Urbanismo, e solicitou a súa aprobación. Unha vez que os técnicos analizaron o documento, e o compararon coas consideracións sinaladas na orde de non aprobación do pasado data 6 de maio de 2008, comprobouse que en xeral, grande parte das deficiencias, foron emendadas ou xustificadas no documento aprobado provisionalmente polo Pleno Municipal do pasado 24 de febreiro.
O plan xeral supuxo estudar en detalle cada unha das case 3.415 hectáreas (34 km2) do concello. Coas determinacións do PXOM dispóñense de 79,1 hectáreas de espazos libres e zonas verdes, o que supón un 3% da superficie total de Moaña.
O solo urbano supón o 13% (446 hectáreas) e o urbanizable o 4 % da superficie do concello. Os núcleos rurais, coa súa banda de expansión constitúen preto do 1%, grazas á concentración no núcleo principal. Neste sentido, cabe salientar que todos os núcleos rurais definidos no PXOM foron aprobados. Tal e como se sinala anteriormente, apróbanse 5 dos 15 solos urbanizables, deixándose o resto en suspenso, incluíndo o solo urbanizable industrial.
Cabe citar que case un 80% do termo municipal cualifícase como solo rústico de especial protección, feito que se traduce nunha aposta pola preservación natural e paisaxística do Morrazo.

10 anos de tramitación
O Concello de Moaña leva redactando o seu documento de planeamento dende xuño de 2001. Neste tempo a Administración galega destinou un importe de 96.816 euros, en concepto de axudas á redacción do planeamento.
Dende a orde de Non aprobación emitida hai 3 anos, (en 8/05/2008) o Concello de Moaña someteu o PXOM a sucesivas aprobacións provisionais polo Pleno para dar cumprimento aos informes sectoriais que impoñían modificacións ao seu contido (o 14/08/2009, 05/08/2010, 04/11/2010 e a última o 24/02/2011.
En concreto, en relación aos informes esixidos pola lexislación sectorial, indicábase que o informe emitido pola Subdirección Xeral de Estradas (de setembro de 2006), de carácter desfavorable, manifestaba a necesidade de obter un novo informe favorable antes da aprobación definitiva do PXOM.
En decembro de 2010 o Concello de Moaña remitiu o PXOM á Consellería de Medio Ambiente para a aprobación definitiva, sen o informe da Dirección Xeral de Infraestruturas, que finalmente obtivo favorablemente en marzo de 2011. Posteriormente, en abril de 2011, o Concello de Moaña remitiu novamente o documento do PXOM para someterse a aprobación definitiva.

Tribuna Libre : PLATAFORMA DE USUARIOS SOBRE A PROPOSTA DE LEI TITULARIDADE PUBLICA TRANSPORTE DE RIA

A presentación polo BNG da Proposición de Lei “para a restitución do carácter público de titularidade da Xunta de Galiza do servizo de transporte marítimo de persoas na ría de Vigo” ven a poñer luz sobre o problema de fondo do transporte de ría. Despois de tres anos de experiencia coa LIBRE COMPETENCIA segue imparable a perda de usuarios cara a súa desaparición final de manterse o actual sistema.
Un prezo excesivo, servizo insuficiente (en Moaña), continuos cambios de horario, supresión ou modificación de itinerarios, deficiente ou nula promoción e información, ausencia total do apoio institucional ( a Xunta se limita a “ordenación e inspección” do servizo) e unha cadea permanente de conflitos entre as compañías son as causas.
A recuperación da titularidade pola Xunta é un chanzo necesario para pórlle solución e futuro ao noso medio de transporte.

É condición imprescindible para acadar axudas públicas que permitan subvencionar o prezo do billete como xa acontece en todos os transportes públicos do país. A UE non permite que un servizo colectivo (Non de titularidade pública) prestado por empresas privadas acceda as axudas, choca cos criterios -precisamente- da libre competencia. E así xa no lo manifestou o Director Xeral de Mobilidade (4-2-10). E así nos últimos tres anos fracasou o Plan Piloto de Caride, o proxecto de transporte metropolitano de Hernández e na futura Area Metropolitana de Feijoo o transporte de ría aparece regulado como os taxis...(?).
Só un servizo xestionado como público pode responder exclusivamente aos intereses dos usuarios (estabilidade, frecuencias horarias, itinerarios, condicións dos barcos e dos embarques...) e non, como ocorre agora, suxeito as estratexias empresariais ou as puras cifras de rendabilidade.

E ademais, é posible política e xuridicamente. O novo Regulamento de transportes que entrou en vigor no 2009 o permite. E así o afirman e interpretan tanto a D.Xeral de Enerxía e Transportes da Comisión Europea (26-03-09) como a propia Comisión (07-03-10), a diferentes consultas realizadas. Tanto é así que o Parlamento de Galiza acordou por unanimidade (17-06-2009) “...levar a cabo as modificacións lexislativas necesarias...na elaboración dun novo marco normativo...que entre en vigor inmediatamente despois do 3-12-2009, coincidindo co Regulamento (CE) 1370/2007 do Parlamento Europeo...” e que o Sr. Conselleiro comprometeu e concretou nunha lei en lectura única para decembro dese ano...Máis de dous anos e medio despois seguimos oíndo pretextos continuos e escusas peregrinas para non cumprir co compromiso asumido polo Goberno.

Polo tanto, benvida a iniciativa do BNG. No texto do proxecto ábrense dúas posible vías para a explotación do servizo: por medio dunha empresa pública –modelo Cádiz- ou a traveso dunha concesión pública empresas privadas. Deste último modelo temos xa experiencia durante anos e resulta negativa, en consecuencia a Plataforma entende que a solución definitiva pasa por unha empresa pública.
En calquera caso a lei por si soa resultaría insuficiente. E unha condición necesaria pero non abonda para solucionar o transporte de ría: prezo razoable, billete único na área, intermodalidade...Sen un forte apoio institucional e promoción publicitaria, os milleiros de usuarios que deixaron o barco para ir no coche particular polo corredor do Morrazo, colapsando Rande e ateigando as rúas de Vigo non volveran a ría.
Participaremos no debate. É a última oportunidade para o transporte de ría, polo que facemos un chamamento a responsabilidade dos partidos políticos que teñen na súa man a aprobación desta lei.

Moaña-Vigo 02 agosto 2011.

PLATAFORMA DE DEFENSA DO TRANSPORTE PUBLICO NA RIA DE VIGO
(Federaión de AAVV A CHAMUSCA-MOAÑA, Federación de AAVV EDUARDO CHAO-VIGO, Federación de AAVV de CANGAS, ASOCIACIÓN DE MULLERES DE MOAÑA; CIG-Morrazo, PLATAFORMA CIES- RIA DE VIGO e Usuario/as transporte de Ría.)

1/8/11

Conselleiro de Cultura y Alcalde de Cangas ponen primera piedra para la recuperación total de O Facho (Donón)

 Redacción de MORRAZO TRIBUNA - [Pontevedra] [Vigo] [O Morrazo]
O conselleiro de Cultura e Turismo, Roberto Varela, visitou hoxe xunto ao alcalde de Cangas, Enrique Sotelo Villar, o xacemento arqueolóxico do Monte do Facho de Donón, en Cangas. O conselleiro anunciou a próxima declaración do Monte Facho como Ben de Interese Cultural e sinalou que os informes técnicos “xa están realizados e está previsto que a Dirección Xeral do Patrimonio Cultural incoe o expediente no último cuadrimestre de 2011”.
Roberto Varela asegurou que a Consellería de Cultura e Turismo traballa para “fomentar a conservación, a investigación e a difusión en torno ao conxunto arqueolóxico do Monte do Facho” e afirmou que no segundo semestre de 2011 e en 2012 investiranse 24.500 euros para actuacións de limpeza e estudo arqueolóxico neste xacemento.
Neste sentido, Varela recordou que tanto a incoación do expediente como o investimento referidos “únense aos esforzos que estamos a facer para a constante mellora do noso patrimonio arqueolóxico”, como son os traballos de conservación e posta en valor en espazos tan importantes como o Castro de Baroña ou a apertura do Parque Arqueolóxico da Arte Rupestre de Campo Lameiro, o primeiro da Rede Galega de Parques Arqueolóxicos.
O titular de Cultura e Turismo explicou que este conxunto patrimonial é “un senlleiro exemplo da cultura castrexa e galaico-romana, que ademais está emprazado nunha fermosísima paraxe natural”. “Non é de estrañar que os nosos devanceiros escolleran este lugar con vistas á Ría de Vigo, ás Illas Cíes, e á Illa de Ons, tanto pola beleza case máxica da contorna como polas posibilidades defensivas que lles confería”, engadiu.
Interese científico e turístico
Unha das peculiaridades que dan maior relevo a este conxunto arqueolóxico son as aras votivas atopadas (arredor de 180) que, segundo os investigadores, compoñen un santuario galaico-romano dedicado ao deus lar Berobreo (do que ata o momento non hai ningunha outra referencia fóra do Monte do Facho). Esta circunstancia converte ao xacemento nun referente do estudo dos cultos pagáns en toda Europa. Ademais, as vivendas do castro escavadas presentan un bo estado, e, xunto ao antedito santuario, fan deste xacemento un lugar dun enorme interese científico.
Doutra banda, pola súa situación, a súa relevancia, a súa beleza e a súa riqueza natural é un espazo de grande atractivo turístico, e xunto ao Cabo Home forma parte da Rede Natura 2000 da Unión Europea.

Xunta aposta pola conciliación laboral e familiar na nova orde que regula os permisos de explotación para marisqueo a pé

 Redacción de MORRAZO TRIBUNA - [Pontevedra] [Vigo] [O Morrazo]
A Consellería do Mar aposta pola conciliación laboral e familiar na nova orde que regula os permisos de explotación para marisqueo a pé, que que vén de publicar esta semana o Diario Oficial de Galicia. O DOG tamén publicou esta semana a resolución pola que se aproba o baremo para a valoración das solicitudes para obter o pérmex.
A Orde establece que por coidado dun fillo a Consellería outorgará un permiso ata un período máximo de 3 anos, tanto se é por natureza como por adopción ou acollemento. Ademais, as mariscadoras poderán acollerse a este permiso por coidado dun familiar ata o segundo grao de afinidade, que por razóns de idade, accidente, enfermidade ou discapacidade non poida valerse por si mesmo e non desempeñe actividade retribuída, ata un período dun ano, prorrogable mentres se manteña a mesma situación.
Ademais a Consellería favorecerá ás vítimas de violencia de xénero que se vexan na necesidade de abandonar a súa actividade laboral para facer efectiva a súa protección ou o seu dereito á asistencia social integral. Tal e como amosa o documento, a suspensión temporal poderá acordarse nestes casos por un período dun ano en función da sentenza xudicial e ata un máximo de 18 meses.
Neste sentido, outra das novidades da Orde está relacionada cos requisitos para a renovación anual do permiso. Así, a normativa requirirá acreditar ter realizado un 95% dos días efectivos autorizados dentro do plan de xestión para traballos complementarios como o traslado de semente, limpeza de bancos marisqueiros, labores de semicultivo para mellorar a produción e actividades de control, coidado, seguimento, protección e vixilancia dos bancos marisqueiros.
A maiores, outra novidade da Orde no relativo á obtención do pérmex é que a Consellería creará unha lista de reserva das persoas ás que non se lle concedeu pero que non foron excluídas. Este documento terá unha vixencia dun ano e será a referenza no momento de producirse vacantes no proceso de outorgamento ou durante a vixencia dos plans de xestión correspondentes.
A nova Orde contempla tamén a posibilidade de cambio de entidade asociativa titular dun plan de xestión, baixo a premisa de facilitar a conciliación da vida persoal, familiar e laboral. Isto é factible sempre e cando o solicitante cambie de domicilio por ser vítima de violencia de xénero ou ter a cargo persoas en situación de dependencia e cando no plan de xestión da confraría de destino estea autorizada unha ampliación do número de pérmex ou a cobertura de vacantes. Ademais ten que existir un informe favorable, debidamente motivado, para efectuar o cambio por parte das entidades de orixe e destino.
Cabe lembrar que o borrador do documento foi presentado ao sector nas xornadas de marisqueo a pé celebradas este ano. O documento final inclúe algunhas das apreciacións requiridas polo colectivo nestes encontros.

Jessica Alfonso, del Club de Mar Ría de Aldán, brilla en los Mundiales Junior de Piragüismo

 Redacción de MORRAZO TRIBUNA - [Pontevedra] [Vigo] [O Morrazo]
España sumou dúas novas medallas na matinal da última xornada dos Campionatos do Mundo Júnior de Brandemburgo. Iñigo García adxudicábase primeiro a medalla de bronce en K-1 200 metros e pouco despois de novo o padexeiro salmantino en compañía do galego do Náutico Betanzos Carlos Arévalo lograba a terceira medalla para España ao finalizar en terceira posición na final de K-2 200.
Pola tarde España lograba dúas novas preseas nas finais de 500 metros coa medalla de prata do murciano José Javier Cano e do galego antes citado Carlos Arévalo en K-2 500 e a de bronce do K-4 feminino formado pola balear Alicia Heredia, a galega Jessica Alfonso procedente do Club de Mar Ría de Aldán Hnos. Gandón e as padexeiras vascas Amaia Benavente e Begoña Lezcano.
A selección española júnior pechaba o Campionato do Mundo júnior 2011 cun total de 5 medallas (1 de ouro en K-4 1000 masculino, 1 de prata en K-2 500 masculino e 3 de bronce en K-1 200 masculino, K-2 200 masculino e K-4 500 feminino) das cales tres foron aportadas polos galegos. Hai que destacar que das cinco medallas que lograron os padexeiros españois catro son en probas olímpicas (todas excepto a do K-2 500 masculino). O equipo kaiak masculino foi o máis destacado con catro medallas, tres das cales en probas olímpicas, ocupando a terceira posición por nacións.
España estivo presente nun total de 9 finais olímpicas dun total de 12 posibles. Ademais fomos o único país que estivo presente no pódium das dúas finais olímpicas do K-4, a de 1000 metros masculina onde España proclamouse Campiona do Mundo 36 anos despois do seu último título mundial e o 500 feminino onde os catro compoñentes do K-4 que logrou a medalla de bronce son júnior de primeiro ano.

Mar convida ás empresas do sector pesqueiro galego a que participen nas feiras de promoción

 Redacción de MORRAZO TRIBUNA - [Pontevedra] [Vigo] [O Morrazo]
A Consellería do Mar convida ás empresas do sector pesqueiro galego a que participen nas feiras de promoción de produtos do mar do ano 2012 como coexpositoras do stand da Consellería nestes eventos. A semana pasada, o departamento que dirixe Rosa Quintana, comezou a remitir cartas ás empresas para notificarlle a apertura do prazo para a presentación de solicitudes de participación nos certames.
Neste sentido, a Consellería do Mar, a través da dirección xeral de Competitividade e Innovación Tecnolóxica, está preparando a programación para asistir aos diferentes certames de ámbito nacional e internacional durante o ano 2012, co obxectivo de fomentar a consecución de novas saídas comerciais para o sector. Así, a consellería ofrécelle ás empresas produtoras e comercializadoras a posibilidade de participar en feiras como a Mediterranean Seafood de Rímini, Alimentaria de Barcelona, Salón do Gourmet de Madrid, Seafood de Buxelas e a Sial de París. Ademais, as compañías teñen a posibilidade de solicitar a participación noutras feiras diferentes ás da anterior relación.
As empresas coexpositoras interesadas en participar nalgunha das feiras deberán remitir antes do 15 de agosto a solicitude á conta HYPERLINK "mailto:servizodemercadospesca@xunta.es" servizodemercadospesca@xunta.es ou ben ao Fax 981 54 62 90. A participación da Xunta de Galicia en cada unha das feiras vai depender da demanda das empresas interesadas. O formulario pódese descargar na páxina web da Consellería do Mar, HYPERLINK "http://conselleriamar.xunta.es" http://conselleriamar.xunta.es.

Abiertos los centros de interpretación del Parque Nacional das Illas Atlánticas

 Redacción de MORRAZO TRIBUNA - [Pontevedra] [Vigo] [O Morrazo]
As illas Cíes e Ons, que forman parte do Parque Nacional marítimo-terrestre das Illas Atlánticas de Galicia xestionado pola Consellería do Medio Rural, teñen abertos ao público os seus respectivos centros de interpretación. Estas oficinas abriron as súas portas tras pasar por diferentes remodelacións, con fin de poñer ao día os seus contidos e permitir que todo aquel interesado poida obter referencias actualizadas dos catro arquipélagos que conforman o Parque.
Ons
O centro de Ons está situado nas antigas escolas da illa, cunhas instalacións reformadas e restauradas para dar cabida a un lugar onde o visitante, pero tamén veciño ou investigador, poida comprender a historia da illa, a súa importancia na protección ambiental e un lugar de referencia etnográfico.
Este complexo conta cunha sala de usos múltiples onde se celebran cursos, charlas e proxeccións que están a disposición de colectivos –previa solicitude– para a realización de actividades relacionadas co Parque Nacional. Ademais, conta cunha exposición permanente que se irá completando coas achegas dos propios veciños da illa, universidades e outros colectivos, para ter un lugar onde poder coñecer as características da zona como a súa paisaxe terrestre e marítima, a vida dos insulares, os costumes e sabedoría popular e, contemplar in situ, as embarcacións tradicionais deste paraxe.
Illas Cíes
O centro de información de Cíes atópase no antigo convento da illa norte; dispón dunha sala de novas proxeccións sobre o parque nacional (comprendendo os arquipélagos de Ons, Cíes, Sálvora e Cortegada), a súa flora, fauna, etnografía, cultura e medio mariño.
Neste complexo tamén se levan a cabo diferentes cursos de formación e/ou divulgativos para dar a coñecer os valores naturais, culturais e etnográficos do parque, tratando de espertar a curiosidade entre os máis pequenos.

"víctimas de la desolación por no entender ese abandono al que se les condena" > domingo reivindicativo en Vigo

 Redacción de MORRAZO TRIBUNA - [Pontevedra] [Vigo] [O Morrazo]
Fue el final de una jornada activa por la calles de Vigo a la  que acudieron representantes de diferentes asociaciones protectoras de los animales. Subyace el gravísimo problema actual con los perros y gatos constantemente abandonados, con las graves problemáticas que de ello se derivan. El texto que fue leído al final de la marcha por las calles de Vigo es harto elocuente y dice así :
Este MANIFIESTO es una humilde reflexión de tantos interrogantes que nos planteamos día a día los amantes de los animales , por la impotencia , rabia e incomprensión ante la impasibilidad del gobierno, por una renovación de ley animal.
Siendo una pequeña y unida parte de la sociedad, los que acabamos de resolver la papeleta al estado, a los ayuntamientos y todos esos conceptos gubernamentales en campaña de hablar por hablar pero sin ningún tipo de resolución activa e inmediata.
Fomentando los criaderos legales e ilegales, y, siendo para ellos una simple y sencilla mercadería ,dejando de lado las adopciones por no ser un negocio rentable.
Sin olvidarnos, de que gracias a ese abandono y requisamiento por maltrato, las asociaciones, organizaciones y demás colectivos animalistas, pasan a tener un exceso en sus instalaciones o casas de acogida. Ligado a las restricciones a las que se ven sometidas por promesas o pagos de subvenciones que nunca llegan y proyectos de construcción de nuevos albergues, que se quedan por el camino.
Optando por leyes tan absurdas, como la eutanasia inmediata a corto plazo, sin opción alguna de planteamiento : sacrificio cero.
Sin tener en cuenta la valoración, de un consenso social de renovación legislativa en el código penal para la protección de los mismos. Olvidándose de que los animales son seres vivos, con derechos básicos inviolables. Que tantas veces han servido a la sociedad, en programas de reinserción social en psiquiatricos o cárceles, estimulación en geriátricos, búsqueda de explosivos y drogas, labores de rescate, en ayuda para disminuidos físicos , etc.
Que estos maravillosos seres de cuatro patas son seres vivos, capaces de sentir como nosotros, que padecen y sufren, para pasar a ser víctimas de la desolación por no entender ese abandono al que se les condena cuando dejan de ser herramientas de trabajo, o, simplemente por el egoísmo de las personas.

Cuántas veces, hemos tenido que ver los pecados capitales aplicados por el ser humano en estos indefensos seres, con el único fin de su disfrute incoherente y salvaje. Para después, no obtener ningún resultado de investigación, como en el caso de Snaussi,y, si se tuviese hasta que punto los cubriría la ley actual?
Por todo esto, siempre unidos seguiremos luchando y avanzando.
Por ellos y para ellos, LOS ANIMALES, para todas las asociaciones y personas que sufrieron injusticias en la defensa de los mismos, dedicamos este fragmento con 1 MINUTO DE SILENCIO:

Tantas noches, miro al cielo y veo brillar nuevas estrellas. Allá dónde estén , estarán felices, porque fueron afortunados, encontraron amor, fueron queridos y son queridos por todos nosotros. Sus energías y almas se unirán a todos esos animales que ya se fueron y serán recibidos como se merecen, aunque una parte de ellos siempre nos acompañará. La vida les otorgo lo mejor que podían encontran , a todos nosotros y estarán llenos de todos nuestros sentimientos allá en el otro lado de la luz y acompañados por las demás almas. Han dejado su vestido aquí, pero la energía que movía sus cuerpos estará en el otro lado dando la lata.
Siento vuestro dolor , querer y sufrir van unidos, aunque no siempre lleguemos a esa comprensión.

Un país, una civilización se puede juzgar por la forma en que trata a sus animales
Mahatma Gandhi (político y filósofo)
Este acto, es una de llamada de atención a toda la sociedad :
- por la irresponsabilidad activa del gobierno
-por la ausencia en la renovación de la ley animal, en el código penal
- por la situación actual de desbordamiento y abandonos masivos
- por la falta de concienciación al maltrato animal.

Desde la Coordinadora pp, seguiremos trabajando para todos vosotros. Dandoos las gracias por reflejarnos todas vuestras preocupaciones, e inquietudes. Deciros que siempre estaremos en activo para apoyaros en todas las labores que necesitéis, que sin vosotros esta coordinadora no hubiera existido."
De nuevo gracias a todos/as ¡¡¡
TANIA RODRIGUEZ
Coordinadora de Protectoras de la provincia de Pontevedra