30/7/15

Bueu : la playa de Agrelo ya vuelve a ser apta para el baño

O CONCELLO DE BUEU ADXUDICA O SERVIZO DE AXUDA NO FOGAR 

A piques de comezar agosto, o goberno de Félix Juncal aproveita para sacar as adxudicacións das últimas obras e servizos do Concello. Hoxe subiuse ao Perfil do contratante a concesión do servizo de axuda no fogar (SAF) a Idades S.L. , a actual xestora, tras a súa aprobación na Xunta de goberno do 20 de xullo. 
O orzamento do SAF de dependencia é de 424.000 euros, e o de libre concorrencia é de 100.500 euros. 

O servizo de axuda no fogar é un servizo público de carácter local, consistente en ofrecer un conxunto de atencións ás persoas ou unidades de convivencia no propio domicilio, para facilitar o seu desenvolvemento no seu contorno habitual. Nos prezos de adxudicación inclúense diversas melloras como as limpezas extraordinarias, atención psicolóxica e de educación social, atencións podolóxicas, de fisioterapia e terapia ocupacional, e outras atencións.

A PRAIA DE AGRELO XA É APTA PARA O BAÑO

As augas da praia de Agrelo son aceptables para o baño e non supoñen un risco na saúde dos bañistas.  Así o deixa patente un informe da mostraxe recollida o 27 de xullo, tras o episodio de contaminación microbiolóxica que fora detectado o 21 do presente mes. 
Así, esta praia volve ter uns niveis aceptables, concretamente de 75 NMP/100 ml de escherichia coli e 31 NMP/ 100 ml de enterococos intestinais, estando o límite da contaminación nos 1500 NMP/100 ml.0 
A Consellería de Sanidade enviou este informe por fax ao alcalde de Bueu, o cal se mostra contento porque “este episodio de contaminación rematase e por poñer freo a unha circunstancia puntual”.
A praia de Agrelo, xunto coa de Loureiro, partía dunha situación moi complicada debido á súa característica de urbanidade, estando máis expostas a verquidos. Con todo, nos últimos anos, foron paliándose eses problemas e hoxe gozan de calidade de auga aptas para o baño.